27 қыркүйек күні Е.Рахмадиев атындағы Мемлекеттік академиялық филармонияның Камералық залында «Сарыарқа» халық музыка ансамблінің көркемдік жетекшісі, дәулескер күйші-композитор Тоғжан Жахиннің қатысуымен «Ұлт аспаптар әлеміне саяхат» атты танымдық дәріс-концерт өтті.
Көрермен қауымға қазақтың ұлттық музыкалық аспаптарының тарихы мен ерекшеліктері таныстырылып, олардың үнімен жақынырақ танысуға мүмкіндік берілді. Дәріс-концерт барысында күйлер орындалып, ұлттық мұрамыздың бай қырлары ашылды.
Жиналғандар халық аспаптарының сазды үніне тәнті болып, ерекше рухани әсер алды.
